Barang ham nah kalaras pisang kidung hanggan panjaratnya.....
Paritan satangah bulan saku, imbah kami bagaluan laki bini, Abahnya Riah dasar kada sing bulikan.Bahanu-hanu asa maristaai aku saurangan.
Wayah aku batatapas di pinggir sumur di balakang rumahku, datang Imur, nang barumah di hujung jalan.
“Uuu, Bar, nangapa diulah. Lawas kada talihat”, balaluha Imur manakuni aku.
“Kada ai, asa kada nyaman awak”, jar ku sambil tarus batatapas.
“Kada nyaman awakkah…. atanapi kada nyaman hati kah”, Imur baucap pulang sambil badangkak mahadapi aku batatapas.
“Napang?” jarku sambil manjanaki inya. Aku tahu banar parigal Imur ni. Inya tadung bakapa dua jua. Katuju banar anjur atar. Ka sini lain ka situ lain. Habar nang sakilan jadi sadapa. Kada sadikit bahanu rancak urang bakalahi marga parigal inya nang katuju anjur atar tu.
“Tahan hajalah ikam bamadu Bar. Putihnya lahai hati ikam”, jar Imur piragah baik wan aku.
“Napa garang?” asa kada nyaman hatiku mandangar pandiran Imur nang paampihan.
“ Ai, kada mandangarah ikam, Bar, ujar habar laki ikam tu sudah nikah wan Aluh Jarmah, Aku ….
Baluman tuntung Imur bapandir, kutarik tangannya.
“Lakiku babinikah? Tacagal aku mandangar. Balaluan aku bukah ka rumah. Kada kuhiranakan lagi Imur nang kukuriak mangiau aku. Kupuruk sandal di bawah watun rumah. Mancicing aku bukah ka palingkungan jalan, ka rumah Aluh Jarmah. Asa kada bajajak di tanah lagi aku. Kada kupikirakan lagi rambutku nang takusasai kaya kuyang kana tinjak. Asa handak tarabang ha aku. Tagal pang rasaku kada mau sampai-sampai aku ka rumah Aluh Jarmah. Balu kijil nang marabuti lakiku tuti.
Imbah ini, episode paampihan..... tangguh ja, bujurkah nang laki babini atawa kada?
https://m.facebook.com/story.php?story_fbid=575508917237934&id=100043364930662
0 Komentar:
Posting Komentar